الوصفة الدقيقة

ماهي استخدامات الطماطم المجففة

يمكن استخدامها كبديل لرب البندورة

استخدامات الطماطم المجففة كثيرة جدا ولا بد ان نعرف ان اجدادنا كانوا يجففون الطماطم لانها لم تكن مثاحة لهم في الشتاء كما هو الحال بالنسبة لنا اليوم حيث يمكن الحصول على جميع الثمار الصيفية في الشتاء بفضل التقنيات الزراعية، والسؤال ما هي استمالات البندورة المجففة؟

يمكن ان تغني عن رب البندورة لطبخات المحاشي او البرغل الاحمر ( البرغل ببندورة) من خلال وضع كمية من الطماطم المجففة في الخلاط مع بعض الماء ويطحن ويستخدم في الطبخ.

تضاف الى طنجرة ورق العنب كما هي وتعطيه طعم حامض ونكهة مميزة

تستخدم في طبخ البامية وتعطي طعمة ميزة للفاصولياء الخضراء والبيضاء والكبة

يمكن نقعها في ماء ساخن و وتفرمم وتقلى مع بصلة مع بعض الماء والفلفل والبهارات وعندما يجف الماء يضاف بيض ويغطى حتى ينضج ، الطعم اطيب من الشكشوكة بكثير.

تنقع مع الماء الساخن مع الفلف اليابس وعندما يصبحان لينين يصفى الماء ونطحنهم ويضاف للمزيج جوز وزيت زيتون وبصلة ويؤكل بالخبز.

تجارب البنات:

انا بنقعها بمي لحتى تطرا وبغسلها من الملح وبفرم بصل ولحمه وبقليهن وبعملها فطاير كثير زاكيه
تجفف مع الملح والسكر تؤكل متل الفواكه المجففه وايضا تنعمل سلطه بعد نقعها مع الزعتر والزيتون والجوز والزيت وايضا تنقع تستعمل بالبيتزا
بالشتا نضع بعض من الأقراص المقددة بماء ساخن لإزالة الملح منه وتقلى ورش قليل من النعنع الجاف فوقه كمقبلات او توضع فوق دوائر المعكرونة بالغرن
انا بحطها بارض الطنجرة لليبرق ..وبفرم منها مع البرغل ع بندورة بتجنن ولا مع المسقعة شللل ومطبقة البيتنجان والبطاطا غير شكل كتير طيبخات
انا اطحنها بعد التجفيف واضع باودر الطماطه المطحون مع الرز يكون لون غريب وطعم مميز وايضا توضع مع اللحم او المرق بعض الاحيان يرشح مسحوقها على اللبن وتاكل
بتصير مع بطاطا مكمورة وبانجان مكمور وحتى طيبه مع الزيت والكمون وفليفله حمرة
لجميع انواع الطبخ يلي بيدخلها بندورة خضرة او رب بندورة وفيكي تحطيها مع المعكرونة وتحطي معها زيتون اسود وجبنة بلدية واي شي بتحبيه يعني متل السلطه وفيكي تفرميها وتتنقعيها شوي بالمي السخنه وبعدين فرمي بصلة وشوحيها على النار وحطي بيض ورجعي حطي البندورة وقلبين مع بهارات وملح وشوية مي بتطلع طيبة كثير
مواضيع ذات صلة