طريقة عمل اللبن المصفى المنزلي

اللبن المصفى

بتغلي الحليب وبتخلي يبرد  

بتحطي اصبعك الصغير في الحليب وبتشوفي درجة حرارة اذا كانت السخونة بتتحمليها حتى تعدي للعشرة

بتجيبي لبن زبادي علبة صغيرة بتاخدي منها ملعقتين كبار وبتخفقيهن وبتحطيهن بقلب الحليب وبتحركيهن منيح وبتغطيهن وبتتركيهن شي 5 ساعات

ترفعي الغطاء وتضعي الوعاء في لبراد شوي شوي لحتى ما يتخضخض اللبن وبتتركيه بلبراد 24 ساعة لحتى يبرد

اذا بدك تساوي لبنة :

بتحطيلوا ملح حسب الملوحة يلي بتحبيها طبعا بس ما يكون مالح و بتكوني حاطة شاشة طبعا بتكوني شاريتيها وغالبتها على النار بتحطيها بقلب مصفاية على شي طبق وبتسكبي اللبن بقلبه وبتربطي الشاشية وبتتركيها تصفي مية اللبن ولما بتنشف اللبنة هلئ انا ما بحبها تكون ناشفة على الاخر بحب تكون طرية شوي بشيلها من الشاشية وبحطها بوعاء زجاجي وبغطيها وبحطها بلبراد وهيك بتكون جاهزة للاكل وصحتين وعافية

 

مواضيع ذات صلة