طريقة عمل السمن البلدي في المنزل اطيب من السوق

طريقة عمل السمن البلدى

طريقة عمل السمن البلدي بطريقة سهلة وبسيطة وبما انو عم يقترب رمضان الله يعيدو على الجميع بلصحة والسلامي ، ومتل مابتعرفو بيرمضان اكتر الحلويات عربية والحلو العربي بيحتاج للسمنة الغريبة المعمول البقلاوة البرازق لانو بلسمنة اطيب من الزبدة وكتير وصفات وهيدي الوصفي تفي بلغرض وطيبة كتير يعني انتي اختاري اطيب زبدة (حيواني ) انتبهو لانو في زبدة نباتي

بتصير سمن حيواني وكتير طيبة لانو في صبايا كتير بلغربة وخاصة اوروبا وفي بلدان كتير ما بيلاقو السمنة او مابيعرفوها ازا موجودة

ملاحظة : 

المارجرين غير تماماً عن السمنة وعن الزبدة لانو للأسف في كتير بفكرو انو المارجرين هية الزبدة غلط هية زيوت نباتية مهدرجة وبدخلها ماء اكثر من الزبدة الحيواني يعني وهية لازبدة ولاسمنة هية زيوت نباتية مهدرجة بصراحة مضرة كتير يا ريت تطلعو عن المارجارين

مقادير طريقة عمل السمن

زبدة (حيواني من الحليب البقر ) لانو في زبدة نباتي ازا عملتو زبدة نباتي بتطلع سمن نباتي في فرق بلطعمة كتير ونتيجة الحلويات

ربع ملعقة صغيرة ملح لكل كيلو زبدة حلوي ازا زبدة مملحة بتستغني عن الملح

ممكن زبدة مملحة وممكن زبدة حلوي بفضل بحرارة المطبخ حتى تسهيل الذوبان بسرعة

الطريقة : 

ضعي الزبدة الكمية يلي انتي بترديها انا عملت اربعة كيلو من الزبدة في طنجرة ستنلس ستيل

وتكون الطنجرة دوبل عن الكيمة يعني ازا عملنا اربع كيلو بدنا طنجرة من سبعة لا ثمانية ليتر بتساع لانو ممكن الزبدة ترتفع اثناء الغلي تفور وتبهدلك الغاز وقطعيها تقطيع عشوائي بلطنجرة لاسهولة الذوبان ومن ثم ضعي الطنجرة على نار هادئة مع التحريك المستمر

بدون انقطاع عن التحريك لانو هيدي زبدة ومتل مابتعرفو الزبدة بسرعة بتحترق لاهيك لازم على نار وسط وتحريك مستمر اول الغليان بتلاحظو بلش يطفو على الوجه رغوة بيضاء ونستمر بتحريك بلمشبك حتى لا يطرش من السمن

هيك حتى تتغير من حالة إلى حالة تانية وهية تبداء بللون متل الزيت المستعمل مرة او مرتين

هون بتكون بلشت تصبح سمنة والمرحلة الأخيرة يتكون كتل صغيرة من الكريات البيضاء متل فرط الحليب على الوجه وهيك نستمر بلتحريك والغليان

هون بتكون صارت جاهزي السمنةا زا بتشوفي بلشت متل تتجمع الكريات مع بعضها وصار ينزل بلقاع الطنجرة يتجمع تحت واللون السمنة عم يشف اللون متل الزيوت ملاحظة مهمة ما تخلو الفرط يلي طلع من الزبدة يصبح لون غامق مائل للبني لازم يضل متل لون كريمي مائل للصفار الفاتح لانو ازا صار لون بني بيغير من طعمة السمنة نطفي النار ونترك الطنجرة على جنب وتجنبي ان تسقط اي نقطة ماء حتى لاتخترب السمنة عند التخزين وبتلاحظو انو بلش كل عشر دقائق بتشوفو انو عم يتجمع كل يلي كان على سطح السمنة تحت بلقاع وعم يصفى اللون اكتر متل الزيوت وبعدين بيبلش يتعكر اللون لانو عم يبرد السمن اول مايصير اكتر من دافئة لازم وهوي سائل ومتجمع تحت المورتة وازا كان في على الوجه متل الريم بنشيلو بملعقة حتى يضل السمن صافي نصفيه بي اوعية او مرطبين نظيفة وناشفة تماماً ويترك حتى يبرد تماماً وازا احتفظنا فيه بخزانة المطبخ بيدوم اكتر من شهرين وازا بلبراد اكتر من ستة اشهر

وممكن حسب الرغبة تطعيم الزبدة بلبهارت خاصة بلسمنة تاخذ من عند العطار 

وهية تحتوي على انواع من الاعشاب والبهارات وتوضع مع الزبدة في اواخر المرحلة التحويل الى السمنة وتغلى شوية وتترك حتى يصبح السمن فاتر ومن ثم يصفى ويوضع في مرطبان نظيف وناشف

و يلي طلع بقاع الطنجرة هيدا يسمى المورتة مامنكبها كتير طعمتها طيبة وتاكل مع الأجبان او العسل او يقلى فيها البيض او نضع منها مع الكعك المالح بلعجين او يأكل كمان فيها الكعك بدون ملح لانو هيدي اخدة كل الملح يلي وضعنه اثناء الغلي الزبدة والسمنة مابتطلع مالحة ابداً لانو الملح بيضل بلمورتة

انا عملت اربع كيلو زبدة 

الوزن الصافي بعد الغلي والتصفية 3,100 غرام

يعني كل كيلو زبدة بيصفى 775 غرام سمن صافي انا ماحطيت ابداً شي طعمتها رووعة لانو انا كمان بطعمها بملعقة من سمنة البقرة الحلوب هيدا اختياري

وازا بتحبو تطعيم السمن لكل اربع كيلو زبدة 33 ملاعق طعام من خلطة الاعشاب والبهارات وهية عبارة عن

حلبة -كركم- زعتر -ميرامية –مليسة -قرفة -هيل – بابونج -قرنفل -شومر -حندقوق – يانسون -كراوية عين جرادة اي شبت- زهرة الخويخة – الأقحوانة .

الوصفة من اعداد :

Oumaima Hakim

التعليقات

مواضيع ذات صلة